Bisayang Balaknong Kalag Lyrics

Bisayang Balaknong Kalag
(Lingin Repackaged Album 2007)
Voice-over Eric Goden Lomocso of Blood of the Stone


Allergic baka sa kanta ko
Laysho nga di muka-on ug tangkong
Mga tono nga di gyud muhawa sa imong utok
Mura'g bubbleugum kuno nga nipilit sa buhok
Pasensya-hi lang na kay dina rana sa baynte anyos nimu nga denial,
Denial, nga bisdak rapud ka
Ug kanus-a raman ka namantay bahin sa bisrak?
Hinawayon!
But-an ba ninyo kung lingin ang akong kalibutan,
Lingin tanan nakong kabutangan,
Nga wa man tamo but-i nga gi-unsa ninyo pagpadagan ang inyong kinabuhi,
Sa imong pag-panaway wa lang ka kabantay nga na-ay murag bato nga matang
Nga ni-siwil sa imong ilong
Sa mga eskina rako ni nabuhat
Mga binisayang yug-yugan,
Sa mga kadalanan nga hapit na tanang mga katawhan,
Wala na naka-ila sa mga kahoy nga ni-huyop sa mga hangin
Nga wala na na-il-hing upat ka mga huyuhoy.
Ikaw karon akong pangutan-on,
Asa man ka na pad-pad sa mga hambog sa imong kaugalingong hangin?
Prebelihiyo ang makapadayag sa imong mga huni sa kahanginan.
Kalidad sa imong pag-mugna ug kanta ayaw pa ubsi,
Nga maka-pagan na hinuon sa baruganan sa binisayang balaknong kalag
Bisrak usa ka experimento, sa pag-buhi sa gisalikway nga sentimento.
Karon kay bag-o paman ang bubblegum, na hala! batan-on, tusopi pag-ayo
Ang kadiyot nga katam-is ug aligre.
Kay puhon, kung kana mawala na, yatak-yatakan nalang na ugma sa kadalanan.
Kadalanan nga akong gilak-wan di-in ko na-mugna ang mga Binisayang rak-rakan
Bubblegum, lingin nga denial, lingin nga pag-amgo, ga tuyok-tuyok nga tayhop sa hangin
sa mga wala na na-ilhing mga kahoy.
Karon, pangutan-on ko ikaw, asa naman ka napad-pad sa imong kaugalingong hangin?